почетна       мапа на сајтот       english

ЗАКОН ЗА ЗАЛОГ 

Законот за Залог  исто така го регулира и заложувањето на хартии од вредност. Тој содржи посебни одредби дека залогот на хартии од вредност треба да се регистрира во Заложниот Регистар. Во Законот е наведено дека  “Невладетелски залог на хартии од вредност се востановува со склучување на договор за залог и со правење попис на заложените хартии од вредност, без префрлување на хартиите од вредност и правата кои произлегуваат од нив, во владение на заемодавачот. 

Доколку залогот не е регистриран во Регистарот за залог, залогот ќе нема карактер на регистриран залог. 

Со конверзијата на хартиите од вредност во ЦДХВ, залогот на хартии од вредност се регистрира на посебна, ограничена сметка за хартии од вредност во ЦДХВ. 

Деталната процедура за заложување на хартии од вредност е регулирана со Протокол за меѓусебна соработка склучен помеѓу ЦДХВ и Заложниот регистар.

Законот пропишува дека податоците во Заложниот Регистар се јавни и точни и дека ниедно лице не може да приговара дека тој/таа не биле запознаени со информацијата. Лицето кое бара информација за залог врз хартии од вредност треба да му се обрати на Заложниот Регистар, а не на ЦДХВ. 

Секое лице има пристап до Заложниот Регистар и право за добивање на информацијата писмено, или на некој друг начин (телефонски, во електронска форма итн). Секој документ кој е издаден од Заложниот Регистар ќе се смета како јавна исправа. 

Авторски права © 2004 ЦДХВ